誰可咁偉大 ?

2008年5月12日

實在有感而發 , 唔可以等到有時間先寫 , 要即刻寫底

話說好朋友x小姐 , 係幾年前同他男朋友(Y先生)因為有了BB而拉埋天窗 , 登登登登……..BB出世後未夠3個月 , X小姐因為種種的問題 , 同Y先生分了居 , 搬返了自己屋企……

時間過了大半年 , X小姐同Y先生分居後 , 生活就精彩LOR , 男朋友天天唔同 , 但當中只有兩個係我們見得最多的…..就係R先生同Z先生

其實應該係Z先生同X小姐識先 , 而且大家都有FEEL , 不過Z先生有個已經拍拖十年的女朋友(A小姐)  , 感情穩定 , 朋友認為的最好情侶 , 而且仲話打算年尾結婚 ,識了X小姐後 , 因為對A小姐有責任 , 所以大家都無係一齊過 , 但成日都話相逢恨晚 , 點解唔早D識 , 而R先生係Z先生後面出現 , R先生一開始就已經表明有老婆(B小姐) , 但無感情 (個個男人都咁講 ) , 不過對X小姐好好 , 千衣百順 , 金錢上無限量支持…….所以X小姐就做了他女朋友…………………

當時其實X小姐係一個好複雜的關係內
X小姐有老公Y先生 , 有男朋友R先生 , 同埋相逢恨晚的Z先生
Z先生有個拍拖10年的A小姐
R先生有個老婆B小姐
Y先生自己都有係出面溝女

真係唔識計係幾多角的關係……..

過多大半年…..關係又有好大的改變…….

Z先生同A小姐最終都係結了婚
X小姐同R先生分了手
X小姐知道Z先生同A小姐結婚後 , 依然同他一齊(暗地裡)

如是者又過多半年……….
Z先生同A小姐最終都離婚收場 ( 因為A小姐發現 Z先生同X小姐的事)

=================================================================

如果我係A小姐 :

明知個男人個心已經唔係自己度 , 點解仲要結婚 , 唔通男人結婚後真係會回心轉意 , 返去你身邊 , 明知這段婚姻係無結果 , 點解仲要結婚……..

如果我係X小姐 :

既然同Y先生真係咁相逢恨晚 , 點解當初要俾Z先生同A小姐結婚 , 結果係我 , 我會用盡辦法唔俾他們結婚 , 如果決定放手 (俾他們結婚 ) , 點解他們結婚後 , 仲要係度拖拖拉拉 , 暗中來住 , 將地上情轉為地下情……. 而且當初自己曾經俾人搶過男朋友 , 現在點解要做第3者…..

如果我係Z先生 :

既然咁愛X小姐 , 點解要同A小姐結婚 , 結婚為責任 , 未夠半年就離婚 ? 太兒戲啦 , 既然決定同人結婚 , 點解仲要係度享盡齊人之福

=================================================================

現在Z先生已經決定同A小姐離婚並同X小姐一齊 , 現在Z先生同A小姐未正式離婚就已經同X小姐半同居 , X小姐同Y先生分居後(2年) , 離婚手續未搞 (無想過搞) , 仲KEEP住有時會去開房

=================================================================

唉…..E個係咩世界 , 點解我D朋友會咁的……..