唉….話唔想d blog 責過年 , 今之就真係責過年 , 無返工連blog都無時間寫 , 鬼咩 , 日日唔係去街就訓教 , 9日無寫過blog , 要想返e幾日做過d咩真係好難 , 我想我記得最重要果樣 , 美女廚房終於都破關啦…….封關了幾年的廚房今日要開張啦
雖然今日係假期的第一日 , 不過今日都好忙 , 因為要執房啦 , 我間房年幾無執過 , d塵呀 , 唔要的野 , 好多野今日都俾我pat晒 , 仲將n年前的M記的HELLO KITTY換過晒D膠袋 , 清晒頭頂個柜D塵, 嘩….D塵真係厚過我塊面呀
搞掟晒就去買定要用的野 , 去家姐度拿定個打蛋器 , 開始美女廚房第一擊—-木槺布甸
其實整E個係因為簡單 , 唔想出師不利嗎 , 而且有幾隻白老鼠幫我試味 , 咔咔 , 準備的野真係好簡單 , 唯一要去買的應該係瑪利餅同埋忌廉 , 好啦 , 美女廚房 , 食了先講 ~~~
材料好簡單 :
瑪利餅 —— 1包
糖粉OR糖霜 —— 30-40G (用糖粉OR糖霜係因為唔需要焗,怕普通糖會唔溶)
忌廉 —— 1盒 (大約200ML )
雲哩拿油 / 煉奶 —- 少少
其實整木槺布甸最難應該係要整碎D餅 , 因為我要果D唔係普通碎 , 係要碎到好像粉咁
首先將餅放入保鮮袋
正常係用麵粉LOOK LOOK碎 , 不過我覺得LOOK要LOOK好多次 , 而且要用好多力 , 後尾俾我係廚房搵到個豬扒DUP
整碎都易D
整碎後 , 我鐘意粉D , 就用 “西”西晒D粉出來
仲係大大粒果D就放埋一邊 , 一陣再LOOK過
餅果方面 , 總知就LOOK到夠為止 , 點先叫夠 , 正常一包有3條 , 應該LOOK一條就夠 , 如果整整下先發現唔夠 , 再LOOK都仲OK , 反正整野食就係自己方便人地開心咪得LOR , 何必太執著過份量 , 而且人人的口味都唔同 , TAKE IT EASY
講完餅到講CREAM啦 , 其實CREAM仲簡單
去買盒忌廉 , 牌子應該係P字頭好味D , 不過P字頭要 $28.9一盒 , E隻牌子就一樣價錢不過買一送一 , CHEAP爆的我當然要買一送一果隻啦
出動打蛋器 , E個打蛋器係N年前我拿俾我家姐用 , 拿返來先發覺原來有埋個DULL , 正 , SAVE返買DULL D 錢
加糖開機打 , 糖的分量分3-4次加同埋打 ( 其實我屋企個磅壞了 , 我唔知我落了幾多糖 , 我每次落少少直到D忌廉已經打了再試味 ) 我落的應該比個食譜少 , 因為我唔鐘意太甜 , 打到D忌廉企起之後就落煉奶OR雲哩拿油 , 唔想為果幾杯野去買枝廿幾蚊的雲哩拿油 , 所以我決定落煉奶
點叫打起D忌廉 ? 好像咁LOR , 搖唔到 , 一定要畢先得….
當兩樣野都READY , 就一層粉一層CREAM咁放滿晒成個杯就得
整了4個鐘 , 累得濟 , 要出動外援
其實要餅同CREAM都好平均咁係每一層其實真係好難 , 整過的人就明白 , 因為CREAM已經打起了 , 當你想整平的時候 , D CREAM就會跟埋你走 , 不知不覺CREAM好厚D , 但落多D粉的話 , 食落好易”遂”親
所以我會建意不防係個邊度整厚D , 中間就普通厚度就得
整好後 , 雪入雪柜雪兩三個鐘就OK , 不過如果你將D餅整成粉 , 最好雪入雪箱雪一晚 , 就無咁易 “遂” 親
成品 :
過得去嗎 ?
沒有留言:
張貼留言