久違的朋友

2009年2月26日

之前有睇過 ” 商業化 ” 的blog朋友 , 都知前半部份發生咩事….今日再講埋後半部份

上次傾的就傾到約食飯 , 但呢十幾日來我都盡量去搵唔同的籍口去推辭 , 開會 , 返大陸 , 要OT , 要開VC , 真係搵籍口都搵到想死 , 到今日”朋友”再打俾我 , 自己覺得逃避也唔係辦法 , 唔見一次面總解決唔到問題 , 唯有半推半就約了今晚食飯…..

以前每次gathering總係期待的 , 今次gathering總係擔心害怕的 , 但要來的總要來 , 平常心食餐飯 , 希望可以平安渡過 , 約了7:30係旺角某餐廳見面 , 可能彼此實在太陌生了 , 餐飯同一般 “客食飯”無咩分別 , “朋友”好驚訝我變化如此大 , 成熟了好多 , 也跟幾年前果位小妹妹唔同了好多…

"朋友" 當你有一日要好像我咁 , 日日要面對e d 廠 , e班客 , e個老闆 , 你就會明白我點解會變成咁……..其實我覺得 " 深沉 " 比 "成熟 " 更貼切

成餐飯比我感覺好舒服 , 可能之前自己想得太多 , 成餐飯只有一句同工作有關的事 ” 你有客就介紹俾我 , 我係街就搵得好辛苦 ” 可以的 , 如果我有朋友需要 , 我第一個一定想起你 ….

多謝你成餐飯不斷搵唔同的話題引我笑 , 希望我開心 , 但我情格已經無得變 , 識我的人就明白 , 我對 ” 陌生人 ” 會係唔出聲 ” cool 的 ” , 而且當時也都真係有”陌生人”在場 , 你想見返幾年前的JOEY , 我想真係好難啦 , 即使我表面同你們有傾有笑 , 但只要我離開個位 , 去過TOILET , COOL樣又再出現 !!!

想當年的我 , 只需要你做一個低B樣 , 我絕對係笑到收唔到聲 , 最少笑半日 , 但因為工作關係 , 我唔可以直接將我的感覺放係塊面到 , 我要對方根本估唔到我係度想乜野 , 否則係我個POSITION上 , 這個係死穴 , 因為當俾對方估到你想咩的時候 , 你就已經輸了…….

但我唔認同我的低B樣已經消失 , 最少我係3Ｑ面前唔需要扮 , 可以好直接將開心唔開心放係面上 , 所以我認為我的” 深沉 “只係出現係 ” 陌生人 ” 面前