返上酒店休息了一陣 , 又開始坐上大巴開始的話另一個旅程 (紅樹林+螢火蟲) , 但今次的地方係全個行程最遠的 , 足足要坐4個半個鐘的車……
4個半個鐘咁耐 , 係咪睇唔明先 ?
分開少少打你就會明 ( 4個 半個鐘 = 2個鐘 = 120min )
e個就係導遊的難gag…..超難
我們上車玩了一陣 , 就全部都訓晒 , 始終早起身 , 今朝玩水又由晒d力 , 休息下係應該的
一去到目的地 , 先有茶點的招待 , 非常有誠意的茶點 , d炒米粉仲熱架 , 炸香蕉仲係脆架……..
完成茶點後 , 就上船出發去搵長鼻猴啦 , 不過你千奇唔好睇見救生衣好新凈 , 其實超級臭
天色都真係唔太好 , 天陰陰
睇來睇來 , e個景都只係欠了一個落緊的太陽 , 可惜今日天氣唔好啦 , 如果唔係我們可以睇埋日落……算吧
因為我們想一齊坐的關係 , 唯有將d位置讓俾其他人 , 我們就坐船頭
其實船頭有船頭的好處 , 睇長鼻猴同螢火蟲都清楚好多……但當想緊的係另一樣野….當快艇開得快的時候 , 我們就會不斷叫 , 開慢d開慢d , 點解…..睇下張相就知架啦
我覺得d水超dirty , 坐快艇仲要坐船頭 , d水飛起晒…..雖然我玩完激流都仲未洗頭 , 但我唔想再整dirty d bor……
不過船家好像聽唔明我們d廣東話 , 仲越開越快 , 超驚d水飛上來 , 我著了白色衫架
其實睇長鼻猴最好帶定個望遠鏡 , 咁樣會清楚d , 睇得真實d
我帶枝18-105 , 成船人應該影得最遠應該係我架啦……
其實長鼻猴係唯一一種唔食蕉的馬騮 , 好奇怪
成個行程總覺得入了亞馬遜 , 成日周圍望有無鱷魚…..結果當然無啦 , 如果有仲邊得我返到來香港呢…..
個半鐘 , 不停咁開船停船去搵長鼻猴 , 時間有d太長
睇完長鼻猴後 , 再食船家準備的晚餐 , 都係果句 , 好唔好食就見人見智啦 , 麻煩咀刁者自備乾糧 , 一定返到酒店後再出去食宵夜 , 食飽個肚 , 就再上船出發去睇螢火蟲
螢火蟲…….其實好似飛蟻 , 不過下半身就識得發光 , 只會圍住某一種樹發光 , 好想用相機記底 , 但好可惜…..暫時未有人能夠用相機影底 , 因為唔用閃光燈就會變成一棵好黑的樹 , 用了閃光燈就係一棵好光的樹……但來回4個鐘去睇 , 都算值得的 , 如果再加上一個好靚的日落 , 就簡直perfect 啦
唔知好彩定唔好彩 , 睇完螢火蟲一上車就落大雨 , 落到我們返到酒店為止…..希望雨明日會停啦 ~~~
P.S : 係咪好奇怪6個人去永遠得3個人的相呢 , 因為果3個今日先到 , 其實一齊玩只有2日 , 無計啦 , 要平就係咁架啦
沒有留言:
張貼留言