今個行程真係好最後先決定 , 我們初初上飛機的時候已經問緊到底出唔出海好 , 到最後係酒店CHECK IN的時候送了兩張COUPON俾我們 , 所以我們都唔駛再想去同唔去的問題 , 不過今日其實好趕 , 因為去GAYANA的船只有3班 12:30 , 14:30 , 16:30 , 如果MISS了就要自己俾錢租船…所以我們FIX了12點就要沖身 , 坐返1點鐘的船返碼頭 , 之後先再決定我們的行程
因為我們只有兩張free coupon , 其中一個要買飛 RM $ 50 /人 , 另加入島費每人RM $ 10 , 其實都唔明點解要俾……R晒頭
今日的天氣都唔係太好 ~ 陰陰地 , 太陽伯伯你幾時先會出來呀 ~~
唔好睇D水好像好正咁 , 其實落到去D水好唔清楚 , 想拍MOVIE都拍唔到
反而係無魚的位 , D水就好清楚 , 真係吹乜脹
入了島後 , 第一個行程就係玩等了成年先可以玩的降落傘……….
係未開波之前 , 俾定少少泳照你們睇啦 ~~ 真係少少架咋 . 無理由著3點色玩降落傘架 , 益晒班船家 ~~
沙巴的降落傘可以起雙飛 , 由於S小姐唔打算玩 , 就由我們兩個一齊開波 ~~
著晒救生衣 , 帶齊架生 (相機) , 準備出發 ~~~
其實兩個人一齊玩仲好 , 因為玩過的朋友都知 , 其實上到去好悶架 , 兩個人可以傾下計 , 影下相嗎 ~~~
出發啦出發啦 , 好緊張呀 ~~
唔知阿船家覺得我們好熱 ? 點解一開波就浸我們落水 , 係我們無準備的情況下 , 兩個傻婆仲係度哈哈笑的時候就 -> 飲晒水
我們係降落傘上面影的相…..就算套住個袋 , 效果都唔差呀 ~~
仲有美腿兩隻……..正唔正先 ~~~ 其實個潛水套都OK正 , 又唔太貴 , 不過我部D90仲正 , 可惜有人唔識對蕉 , 搞到好多相都影唔清………
中途仲要不斷浸下飛下 , 務求令我們成身濕晒為止……
之後再轉船玩香蕉船…………….
玩香蕉船就激LOR , 有乜理由坐中間會跌落水先架……唔係我呀….係我朋友 , 唔識對蕉果位呢 , 仲要好快轉了兩個圈就已經跌了落水 , 坐船頭果個仲要唔知 , 你睇我….玩到帶都跌埋呀….好在唔係泳衣帶啫
水就真係差D , 不過D魚就超級大條 , 如果水再清D就正LOR , 喂魚都喂得開心D
玩到十二點….準時沖身 , 影下相 , 坐1點的船返去……
題外話 :
其實好多人都會係酒店拿麵包去喂魚 , 我親眼見到係PACIFIC SUTERA的早餐度 , 有人拿了超過廿塊麵包返位 , 想帶走去喂魚 , 但…..你覺唔覺得有D過份呢 ? , 麵包我都有拿 , 我拿了兩塊MEET做粒粒放入樽 , 個WAITER見到我咁做都無出聲 , 仲笑住問我 ” 你飲D水都幾奇怪WOR ” , 相反果班拿了廿塊麵包的港人 , 搞到CAPTAIN走來傾要俾錢的問題 , 係咪過份了少少呢 ? 其實你想拿多D的話咪去SUPER MARKET買呢 , 一大包生命麵包都係 RM $ 2.X , 為返5蚊港紙都唔駛 , 但你咁樣做 , 真係有失香港人的身份LOR………問了人錢之後唔買….也都有失自己身份呀……
香港人 , 唔好令到自己好像D大陸人咁討厭呀 ~~~~
沒有留言:
張貼留言