電話恐懼症

2009年3月2日

痴線架 , d人係咪白痴架 , 成日都同我嘈到底有雞先定有蛋先

有d野根本就無答案…….

我問你 , 有貨先定有簽板先 ?

無大貨何來有簽板

無簽板何來做大貨

簽板唔係大貨拿點叫簽板

有d事要變通

大佬你估係塑膠玩具咩 , 任何關於五金的野 , 一定要有大貨先可以有簽板

煩死我啦……….

每日總有不同的人打來……搞到我一聽到電話響就勁驚 , 因為他們實在太煩啦 , d問題答又死唔答又死

人 : 幾時有
我 : 星期四
人 : 有無得快
我 : 盡趕 , 唔guarantee , 盡量早d俾你
人 : 有幾快
我 : 希望星期三到你度
人 : confirm ?
我 : 盡趕 …
人 : 唔confirm就唔好答啦
我 : …..又係你問

現在電話一響就覺得好恐怖 , 又唔知邊條煩友打來….