何苦

2009年3月5日

4Ｑ好耐都無一齊食飯 , 借住我生日 , 大家一齊出來食餐飯 , 順便交換下大家消息 , 點知又來 , 又收埋D咁的消息

===========================================================

識得我耐的人都知4Ｑ的A小姐 , 情場上失敗連連 , 最後搞到俾人騙了幾萬蚊 , 現在晚晚要返酒吧做野 , 每個月要還8,9千蚊俾銀行 , 想當年 (都係半年前) , 當A小姐知張信用咭俾Y先生拿晒D錢後 , 決定分手 , Y先生應承每個月還錢俾A小姐

點知分手無幾耐 , A小姐發現Y先生用電話係大陸煲粥 , 打了四千幾蚊電話費 , 之後A小姐同我講 , 我已經叫他即刻CUT了 信用咭的AUTOPAY , 點知CUT遲了一個星期 , 又俾多三千幾

A小姐問我到底她有D咩對Y先生唔住 , Y先生要咁對他 , 我唔識答呀 , 當初我唔知你們兩個發生咩事 ….

=============================================================

A小姐幾年前因為有了所以結婚 , 但婚後的生活並不如意 , 個月今年已經3歲 , a小姐自從同Y先生後 , 就同另一個識了半個月的男人同居 , 個女就繼續俾阿婆婆照顧 , A小姐只係放假先會返去帶個女出街

話說上一次A小姐帶叮叮去街 , 去完就順便帶個女返爺爺麻麻度 , 點知個女一知道要返去爺爺麻麻度 , 不斷係地鐵大喊話要返婆婆度 , 之後某一日A小姐返屋企接個月的時候

A : 叮叮 , 行啦 , 我們去街啦
叮 : 我唔同你出去 , 我唔鐘意你呀
A : 點解啦 , 咩事你嬲我呀
叮 : 我唔鐘意你呀 , 唔想見到你 , 唔想同你出去……

最後要A小姐同叮叮道歉 , 話以後都唔逼她返爺爺麻麻度 , 叮叮先再同他講返野

做人做到咁 , 為生為死為個女 , 最後換來一句 , 我唔鐘意你 , 真係聞者心酸 , A小姐仲覺得好好笑 , 我就真係笑唔出 , 如果我個女咁同我講 , 我真係喊得出

==============================================================

付出幾多就收返幾多 , 當你只係一個陪玩的媽咪 , 付出的只係陪玩的角色 , 想個女鐘意你 , 真係好難 , 小朋友有咩事第一個叫邊個 , 就知係他心目中最重要果個係邊個