又來搞搞新意思.....

2009年2月22日

老闆又搞搞新意思………..

無情情係大陸請了個新account , account……搞咩呀 , 請都應該請返個a.m幫下我手呀 , 大佬我台面d file係12月都未清晒……..

請人都算 , 都唔知請個乜q account , 仲話讀account 出身…..話說a廠每月15號都會出statement俾我們 , 我們應該每個月1號前要settle晒d payment , 正常平時我15,16號收到 , 一般廿二 , 三號就會對好晒d數 , 就等老闆落來簽名就可以send去bank , 就算遲 , 都係3號前一定搞掟……..

多得e位account , 我果晚ot到十點……….

話說阿老闆同A廠講 , 話可以將D STATEMENT FAX去廣州OFFICE , 廣州OFFICE D 人就會FAX來香港俾我 , 咁他們就唔駛FAX長途落來 ( 大陸人成日都唔想FAX落來香港 , 貴WOR ) , 阿account小姐16號收到人地d statement , 仲要我e-mail返d p.o俾他對 , ok呀 , 都算有文有路 , 斷估唔係得半桶水瓜

來料啦喂………….
廿六號a廠打來話d數confirm晒未 , 有無問題 , 係咪confirm1號俾錢…..
吓…咩事呀 , 俾咩錢呀 , 我唔知bor ,

廠 : joey姐 , 你d數係咪對好晒呀 , 可唔可以早d找俾我們 , 過年前訂d材料要俾錢呀
我 : 吓…..俾咩錢 , 對咩數呀
廠 : 我15號已經俾了對數單你個xx啦wor
我 : 吓……我唔知wor , 我到現在無收過任何野 , 就算今日到我手 , 我都未必趕到俾你wor , 我台面有勁多file未做 , 全部都趕架….
廠 : 吓….唔係呀 , 乜你們做野咁架 , 又話月結15日…..過完年好等錢駛…
我 : 咁一係你打俾老闆問下 , 可能阿xx已經搞掟了俾他啦

唔理由自可 , 一出聲又 lai野….仲要係結野

我朝早10點收到a廠的電話 , 跟住12點老闆就返到

pat了一大個file係我台面…….

qq : joey , a廠d數 , 你快手d , 一陣要send出bank
我 : …..唔係呀 , 我一陣2點要去開會呀….
qq : 咁你2點前搞掟
我 :  , 唔係呀 , 得一個鐘點搞得掟呀 , 我e個鐘仲要準備開會d野呀
qq : 人地追數追了好耐啦 …….
我 : 你唔係請了個account對數架咩……..做咩仲要我對……. ( 心諗 : 你唔係每個月俾幾千蚊請條柴呀 , 不如俾我好過啦 )
qq : 對了啦 , 你再對一次啦
我 : 點解做野要咁重復呢 , 點解你咁鐘意將事情複雜化呢….今日真係搞唔掟 , 我開會d野又未搞掟 , 開完會返來都要4-5點啦….我今日一定搞唔到
qq : ee哦哦 , 人地追了好多日啦…..
我 : 大佬 , 你又唔講 , 現在臨急臨忙 , 你當我神仙咩…….
qq : 咁你不嬲都知a廠1號要俾錢架啦
我 : 我知 , 但你話你請個account幫輕我 , 我點知他check完我仲要做野啫 , 同埋你都知我做野唔可以即日清架啦 , 我每日個schedule都full晒 , 邊得來俾你插野入來啫
qq : 咁你15號唔識問人拿多張statement
我 : …..問咩啫 , 又係你自己同人講 , 叫他們俾廣州office , 既然你咁講 , 成件事關我咩事…………………

大佬成件事好像受害人係我wor…….

開完會….成肚氣 , 仲要對住隻Q太郎 =

拿起份所謂已經對好的對數單 , 我, 咁都叫ACCOUNT出身 , 咁我咪博士畢業

正常我要求廠的STATEMENT一定要有齊 PO NO , 數量 , 價錢 , 如有任何錯留 , 一定要廠改到岩為止 , 否則唔會做SETTLEMENT

阿ACCOUNT小姐 , 有問題果D , 只係打了個 ? 係度 , 又唔叫人改 , 又唔叫人FAX過張來 , 人地點俾他 , 他就只係加返D OK 同 ? 上去…..

實在忍唔住要出口串人

我 : 嘩….你位ACCOUNT都幾勁WOR , D野做了=無做一樣 , E D 工去邊度搵
QQ : ….果日叫你去教人 , 你又唔嗲唔吊 , 無心裝在
我 : 大佬果日上到廠都成點 , 仲要開會 , 做TEST , 做REPORT , 我邊得來咁多時間去教人呀……而且有咩理由 , 叫個無讀過ACCOUNT的人去教個ACCOUNT畢業的人呀……我100個唔明LOR

你話請個人減輕我工作 , 我唔覺LOR ,我覺得你係度增加緊我的工作LOR , 你真係想減輕就係香港請返個A.M俾我啦……現在我最煩的野唔係ACCOUNT , 係D FOLLOW UP的野…….大佬我頂得幾多個呀………..D SHIPMENT又亂又多 , D DOCUEMNT又多又煩 , 你仲要請個ACCOUNT返來的人但要我教他ACCOUNT的野 , 仲要他做完的野又要我跟手尾 , 咁我唔覺得同我自己做有咩分別 , 可能我自己做仲快………

天呀……..你快D搵雷公PAT下我老闆個頭 , 幫他開開腦啦 , 否則我D腦細胞會不斷死亡