2009年2月21日
好耐無打過blog…. ( 咁點解仲有blog出 ) ? 其實有留意的朋友 , 我真係超耐無update , 你們有陣時睇到果d , 係我打好了好耐 , 不過未post出來果d , 實情係我自從出晒沙巴d blog之後 , 真係到今日先再打過
因咩事停blog咁耐 , 我都唔知呀 , 唔係無時間 , 係無心情瓜 , 不過其他人的blog我都有去睇 , 留言我有覆 , 應該唔算停blog瓜 , 只係係e半個月 , 想了好多野 , 考慮了好多 , 想想自己的將來 , 朋友 , 工作 , 感情上的事 , 想下想下 , 就停了半個月blog
半個月來 , 總覺得心情唔多好 , 但又搵唔出原因 , 係呀 , 真係唔知點解個人係勁down , 咩都無興趣 , 返工放工返屋企行街睇戲食飯吹水..所以用了半個月時間去組織一下到底自己想要的係乜野
每日都忙忙碌碌 , 但總找唔到忙的原因 , 可能係無事忙瓜 , 約朋友食飯都約了大半個月先半逼半就咁去 , 以前每兩 , 三日總會忍唔住update下個blog , 現在就算打了d blog entries , 都唔知自己係度打緊咩 , 以前未login y-blog就已經想好了有d咩要打 , 有咩要share , 現在…….唉 , 唔好講 ( 分分鐘都唔知自己打緊咩 )
工作上有壓力 , 朋友有變化 , 感情有問題 , 人地係周身刀 , 無張利 , 我就周身刀 , 把把利 , 但把把刀都隊住我呢….
沒有留言:
張貼留言