沙巴 @ Day 3 @ Gayana

2009年2月9日

一心一意俾多d錢係GAYANA BOOK間水上屋 , 想住到時有排玩啦 , 點知………唯一興幸的叫做去過個泳池游水 , 唔係我估我個心口會俾我DUP串

係泳池影出去 , 真係分唔清 , 到底係海定池 , E日咁樣的天氣已經叫好好 , 如果第二日都係陰陰地 , 我估我們會玩耐D先走

E兩張相真係貴呀 , 特意加了千幾蚊 , 換來的就係房碼頭的兩張相

有D後悔今日無落雨唔換衫影多D相 , 個碼頭係我們影完E兩張相後就再無出過去啦 , 原本仲以為第2日就算唔好天都會好像今日咁陰陰地 , 點知原來係失晒預算..

如果我話我係個海度 , 你信嗎 ? 不過DESIGN E個泳池的人真係好叻 , 專登將個泳池起高D , 等影出去個感覺就好像係海中間咁 , 如果唔係E兩日都落雨 , 海的色會同泳池的色一樣

3點色 ? 唔想係度公開呢…..等我打晒成個沙巴TRIP , 會將D絕密相POST上來 , 不過要朋友仔先睇到 , 費事你們見到我D豬腩肉就嘔 , 或者以為我係變種豬啦

你知我E D身材係上半身有睇頭 , 下半身有個頭 , 我驚D唔識的BLOG友打去漁農處捉我啦 , 所以等緊3點色的朋友 , 等下啦 , 睇住D靚靚玉背先

等緊入房的時間仲係度想….點解唔出太陽架 , 太陽伯伯你去了邊呀 ~~~

原本清到見底的海 , 都變得香港FEEL啦……

係泳池游完水 , 係大家都沖緊涼的時候 , 個天就SI LI SA LA咁落雨啦 , 仲要一D都唔細TIM呀 ~~~ 好在一早有準備 , 啤酒 + VOKA + 汽水 , 反正無野做 , 食過ROOM SERVICE後 , 拿拿聲行動 , 好在我今日無輸到

聽好多人講(唔止一個) , 沙巴落雨通常都係兩三個鐘 , 落完就會出太陽 , 我們由7點鐘抱住非常期待明日會好天的心情係度等 , 等等