沙巴 @ Day 4 @ 落雨的Gayana

2009年2月6日

終於來到旅程的最後一站 , 要同gayana講拜拜啦

昨晚臨訓前大家拿了agree , 如果今日只要唔落雨 , 就早d起身 , 去浮潛 , 游水 , 兩點鬆d先出返市中心 , 可惜….我半夜起過好多次身 , 望到個天依然係落大大大雨 , 抱住超失望的心情訓到9點零起身換衫去食早餐……..

你睇下….幾大雨……原意….係打算叫酒店send d早餐來碼頭俾我們 , 但……d雨又大又密 , 只好拿拿聲執好d野就出發去食早餐吧 , 然後坐最早班船走……….
由於大家的心情都唔太好 , 實在無乜心機為食物影相 , 就由我們幾個 ” 食之天使 “幫你們介紹啦 ~~~

我的牛角包 + 方包 , 無得偷偷放入焗爐都係差d ~~~

生果yogert , 甜甜酸酸 , 初初問他o唔ok又話無問題 , 係我們食晒d包之後先話唔好食想食包 , 其實味道唔差 , 不過有人唔食酸 , so意見不作參考 ~~

有人非常羨慕我的上半身 , 所以早晨要力谷 , 木瓜一大舊是也….. 他話食完都好像大個了咁 ~~~

omelette

唔知乜架科 , 不過後尾同樓下位小姐交換了 , 因為我唔食 “言” 茜 , 不過我當然有分一半俾返他啦 , 因為我都唔知他like唔like食 ~ 費事黑面啦 ~

sorry呀 , 要放張無咁清的上來 , 因為有人游完海水 + 泳池水後 , 谷了成個月粒豆豆終於都爆了啦 , 所以唔好post張咁清的上來啦 ~~~

食飽check out後 , 係等船的期間 , 繼續影相 , 雖然落雨都係要影 , 話晒俾了咁多錢架嗎 ~~ 身後係中餐廳

其實gayana真係一個影相的好好地方 , 基本上每一個位置都殺你唔少memory , 可惜e日落雨 , 可以去又唔駛拿傘的地方唔多 , 所以如果唔係落雨的話 , 我相信 , 我唔止影成千張相 , 不過anyway落雨都係天整定的 , 反正你唔開心個天又唔會唔落雨 , 唯有開開心心去面對啦 ~~

準時11:00上船出返市中心 , 拜拜啦gayana , d staff 超好人咁落住雨都送我們同埋拜拜了勁耐…..